یہ روبوٹک حجام بڑی مہارت سے ایلون مسک کی زلفیں تراش رہا ہے اور بالکل انسانوں جیسی مہارت دکھارہا ہے، ویڈیو میں ایلون مسک روبوٹک حجام سے بال کٹواتے ہوئے خوش بھی نظر آئے اور بظاہر یہ دکھانے کی کوشش کی کہ یہ ٹیکنالوجی بھی انہی کی لائی ہوئی ہے۔لیکن درحقیقت یہ ویڈیو مصنوعی ذہانت سے تیار کردہ ہے جس کو بالکل حقیقت کا رنگ دیا گیا ہے۔اگر چہ یہ بعید از قیاس نہیں کہ مستقبل میں ایسے روبوٹک حجام ہوں گے اور انسان ان روبوٹس کے پاس ہی اپنی زلفیں تراشنے جایا کریں گے لیکن ابھی فی الوقت ہمیں انسانوں سے ہی اپنے بال تراشنے کی ضرورت ہے۔
اس ویڈیو پر کئی سوشل میڈیا صارفین نے یقین بھی کرلیا اور ساتھ میں یہ بھی کہا کہ روبوٹک حجام کی اہمیت اپنی جگہ لیکن جو احساس انسان کے لمس میں ہے وہ روبوٹ میں نہیں ہوسکتا۔دنیا میں نئی تبدیلیاں سامنے آرہی ہیں، روبوٹک ٹیکنالوجی میں بھی اچھا خاصا کام ہوچکا ہے ، اس لیے یہ کہنا غلط نہیں کہ مصنوعی ذہانت دنیا کے کئی پیشوں سے انسانوں کو محروم کردے گی۔
